Getmişdim vağzala Tbilisi-Bakı bileti almağa. Axşam vağzalda idim.
Hər şeyi gözümlə gördüm və reallığı fənd işlədərək, öyrəndim.
Biabırçılığı, insanları geri dönüş bileti ala biləcəklərinə əmin edib bilet satıb, pulunu dövriyyəyə buraxıb, sonra geri dönüşün yalnız təyyarə ilə, ya da turagentlərlə mümkünlüyünü himcimlə başa salıb, faiz tutaraq pulları geri qaytarırlar. Aldanıb bilet alanların 2 yolu var - ya monopolist AZALla 310 manata geri dönmək, ya faiz çıxılaraq bileti qaytarmaq.
Mən pulu çox əziyyətlə qazanıram, imkan vermərəm Azərbaycan Dəmir Yolları - ADY mənim pulumu aborota buraxıb faiz qazana, sonra faiz tutub pulumu qaytara.
Azərbaycan mediasında yazılanları veclərinə almırlar. Çünki siyasi elita rusdillidir. Azərbaycandilli media, sosial şəbəkə nə qədər yazsa da, nəticə yoxdur. Amma haqqınaz-da rusca reportaj getdi, 7 min baxışa, ADY rəhbərliyi iclas çağırdı.
Mən hər ADY-dən yazanda aşağısı 30 min baxır. Rusdilli mediadan qorxurlar həm xaricdə oxunur, həm rəhbərlikdə.
Mən də başımıza gələni yazacam, rusca və ingiliscə tərcümə etdirib paylaşacam. Hər kəs görsün bu biabırçılığı, insanların başına nə oyun açıb, zamanlarını və pullarını alırlar.
Azal da ADY də AZCON Holdingə daxildir. Biri aparmaqdan və pulu dövriyyəyə buraxıb faiz tutub qaytarmaqdan pul qazanır, biri Tbilisiyə gedənləri qaytarmaqdan.
Bu arada xatırladım ki, ADY-də sərnişindaşımaya Aybənizin yaxın qohumu rəhbərlik edir. Adamın dəmiryoluna yaxından-uzaqdan heç bir əlaqəsi yoxdu, sığortaçıdır.
Elnure Abushova