ABŞ Yaponiya və Kanada da daxil olmaqla beş xarici diplomatik missiyasını bağlamağı planlaşdırır.
Bu barədə “Reuters” məlumat yayıb.
Agentliyin məlumatına görə, Birləşmiş Ştatların Dövlət Departamenti Qrenada, Yaponiya, İndoneziya, Kamerun və Kanadada diplomatik missiyaları bağlamağa çalışır.
Agentliyin həmsöhbətləri əmin edir ki, bu, ilk növbədə personalın ixtisarı ilə bağlıdır, hansısa konkret geosiyasi hadisə və ya hadisələrlə əlaqədar deyil.
Xatırladaq ki, iyulun 28-də ABŞ Dövlət Departamentinin Liviyanın birləşdirilməsi naminə edilən diplomatik səylər çərçivəsində həmin ölkədə səfirliyinin fəaliyyətini bərpa etmək niyyətində olduğu barədə məlumat yayılmışdı.
